مني اوتانديرير بو هوالار

پاييز آغلايير داملاريميزا،باجالاريميزا

 قونشولاريم ،قوهوم لاريم

 اؤلور دوغوزگيريپينده ن

  بازاردا  يانيير بو آخشام

 مني اوتانديرير بو هوا لار

 آتش لر ايچينده يم

 دوداق لاريم اوچوقلاييب سوسوزلوقدان

 تبريز آخير بئينيمده

 بير ايچسه م تبريزي كوچه به كوچه

 سر خوش اولارام

 سر خو  ش

 سر خوش لوغوما بير خيال اولسان

 اووودسان دويغولاريمين گؤنلونو

آه مني اوتانديرير بو هوالار

 اليمي  اوزا ديب زهره نين چنگي ني آلسام

 چوخ سئودييميز هوا لار چالسام

 ائشيدر سن مي ؟

مارسين كامانين آليب گؤنلونو يارسام

 مني اونودا بيليرسن مي ؟

عطارودون قلميني آليب

 يازارام

 يازارام سني بوتون كايناتا

 سونرا دؤنوب پوزارام

 گؤزله ريمدن

 دوش له ريم دن پوزدوغوم كيمي

 اولسادا بير اولدوز چه كه رم

 سامان يولوندا

 ايكي ميزين آدينا

 اونودولماسين اؤيكوميز

 مني اوتاديرير بوهوالار

 مني اوتانديرير بوتون اولدوزلار

« من كي اينسانام ،تانري لارين تانري سي »

سئودان اوره ييمده أتوم بومباسي تك پاتلادي

رنگي ده ييشير حياتين گئت به گئت

 اوره يم ده سويوق يئل أسدي

حسرت ياغدي گؤزله ريمه

بوايلك بايرام ،اؤپه مه دين گؤزله ريمي

ح

  س

        ر

            ت  

  داريخديم  بوصاباح دونيالار جا داريخديم

سن بيلمير سن كي بيرلري سنين گولوشونون وورقونودو

      (جاستين ميلتون)

قار اريدي

تورپاغين آلتينداكي توخوم

چيمدي.

سيم ديره يينين ديبينده

بير شاخه گول

ايشيق ايچير .

بوگون منيم گونوم دير

فيرتينالي دنيزه بنزه ير ايچه ريم

بوغولاجاغام درين ليينه د الار كن

 گري دونمه ييمي گوز له مه سئو گيليم

 پالیت رنگلی گوزله ریمی

پولیسله لرین گوزو اونونده

شاعیر اولموشدولار ماهنی دا سویله یردیلرگاهدان

کیم لر چالدی گوره مه دیم

 پولیسلرده آرامادیلار هئچ

محو اولدولار پالیت رنگلی گوزله ریم

بیرله رینین اووجوندا

یالقیزلیغمین درین لیینه دالدیم

آغلایامادیم  گوله ده بیلمه دیم هئچ

گئجه کیمی قارانلیق لادی گونلوم

شعرده یازامادیم هئچ

سنین گوزله رینی ده گوره مه دیم هئچ

 گولوشله رین اونودولدو گوزله ریم ده

گولوشله رینی گوره بیلسه یدیم کئشکه

گوزله رینه باخا بیلسه یدیم کئشکه

سحر آچیلاردی ال له ریم ده

میلیون میلیون اولدوز

سه په له نردی بارماق لاریمدان

ومن ینی ده ن شاعیر اولار دیم

بوشهر ده

نه ایسه گوزله ریمی چالدیلار بیر اخشام اوستو

پالیت رنگلی گوزله ریمی

شاعیر گوزله ریمی

هیچ سوزوم یوخ!!!!!!!!!!!!!!!!!۱

بویور ایچه ری اددیم اددیم

بویور ایچه ری

قهوه ایچه میسین یوخسا چای ؟

بیر سیجاق تاباق سئوگی حاضر لادیم

قهوه ایچه ر میسین یوخساچای؟

بویور بیر تاباق سئوگی

بیر بارداق ------قهوه ایچه ر میسین یوخسا چای  ؟